“Ливерпуль” Салоҳ ўрнига кутилмаган юлдузни танлади
- 16-феврал, 20:01
- Zohir Toshxo’jayev
- 0
- Футбол
Жорий мавсум ўйини ва самарадорлигида сезиларли пасайиш кузатилган Муҳаммад Салоҳ ёзги трансферлар ойнаси даврида сотиб юборилиши кутиляпти.
“Ливерпуль” раҳбарияти мисрлик юлдузнинг шартномаси тугашига бир йил қолишига қарамай, уни ёзда Саудия Арабистони клубларидан бирига трансфер қилишга тайёр.
Ўз навбатида, Саудия Арабистони Профессионал лигаси “Ан-Наср”да ўйнаётган Криштиану Роналду билан муносабатлар бузилганидан кейин Муҳаммад Салоҳни лиганинг янги тимсолига айлантиришни режалаштириб қўйган.
“Ливерпуль” мутасаддилари Салоҳга ўринбосар сифатида “Атлетик Бильбао” ҳужумкор футболчиси Нико Уильямсни олиб келмоқчи.
Transfer News Live ва El Nacional каби нуфузли манбаларга кўра, мерсисайдликлар “Атлетик” билан 2035 йилгача давом этадиган шартномага эга ўйинчи учун 95 миллион евро тўлашга тайёр. Бу сумма Уильямснинг битимидаги баланд пули миқдори экани айтилмоқда.
Аввалроқ, 23 ёшли Уильямс икки марта “Барселона” таклифини қабул қилмай, “Атлетик”да қолиш қароридан афсуслангани хабар қилинган эди. Ҳар икки қанотда ўйнай оладиган юлдуз “Атлетик” бирор совринни қўлга кирита олишига ишонмай қўйганини таъкидлаган.