“Ливерпуль” барибир бошқа мураббий танлади
- 1-апрел, 08:31
- Zohir Toshxo’jayev
- 0
- Футбол
Англиянинг амалдаги чемпиони “Ливерпуль” раҳбарияти ҳозирги бош мураббий Арне Слот қўл остидаги жамоа чемпионлик унвонини муносиб ҳимоя қила олмаётгани учун жиддий қарорлар қабул қилишга бел боғлади.
Ўтган ёздаги катта харидларга қарамай, жамоа Англия Премьер-лигасида кутилган натижани қайд эта олмади.
The Touchline Sport ва Bild каби нуфузли манбаларнинг хабар беришича, “Ливерпуль” ёзда жамоа бош мураббийи сифатида Хаби Алонсони тайинлашга қарор қилган.
Аввалроқ матбуот Алонсони “Ливерпуль” билан боғлаган эди. Испаниялик мутахассис “Реал”дан кетганидан сўнг бир неча ойдан бери ишсиз юрибди.
Ҳозирги вақтда “Ливерпуль” Англия чемпионати жадвалида бешинчи ўринда бормоқда ва чемпионлик унвонини сақлаб қолиш имкониятини бой бериб бўлган. Нидерландиялик Арне Слот айни пайтда катта босим остида ишлаяпти.