Линекер Месси ҳақида: Унга тенг келадиган футболчи йўқ!
- 31-октябр 2023, 15:57
- Baxtiyorjon Toshtemirov
- 0
- Футбол
Англия терма жамоасининг собиқ ҳужумчиси Гари Линекер аргентиналик футбол юлдузи Лионель Месси 2023 йилги “Олтин тўп”ни қўлга киритганига муносабат билдирди.
“Менинг футболчилик даврим Месси ва Марадона ўртасидаги даврга тўғри келади. Бунга ақлбоварқилмайди. Жуда кўп ажойиб ўйинчилар бўлган: Зидан, Кройфф, Роналдо ва Роналду - бундай ўйинчиларнинг тўлиқ рўйхати бор, лекин бу икки футболчи борки, биз уларга ўрганмаганмиз. Мен учун Месси инкор этиб бўлмас футболчи. У билан солиштириш мумкин бўлган бошқа тўпурарлар ҳам бор, масалан, Криштиану Роналду, лекин футболчининг ўйинини томоша қилишдан завқланиш нуқтаи назаридан Лионель Мессига тенг келадигани йўқ", - дея Линекернинг сўзларини келтиради Мундо Депортиво.
Месси фаолиятидаги саккизинчи "Олтин тўп"ни қўлга киритди. “Олтин тўп”ни аргентиналик ҳужумчидан кўра кўпроқ ҳеч ким қўлга киритмаган. Месси нуфузли мукофотни 2009, 2010, 2011, 2012, 2015, 2019, 2021 ва 2023-йилларда қўлга киритган.