Лангле "Барселона"ни тарк этади

26 ёшли ҳимоячи Клеман Ланглени Каталония жамоаси ижарага бериб юбормоқчи. Футболчи бунга қарши эмаслигини Испаниянинг "Sport" нашрига маълум қилди.

Англия Премьер-лигасининг 4 жамоаси "Арсенал", "Тоттенхэм" , "Ньюкасл" ва "Эвертон" франциялик футболчини ўз сафига қўшиб олиш учун вазиятни кузатмоқда. Лекин хали ҳеч қандай келишувга эришилгани йўқ.

Лангле "Барселона" сафида 2018 йилдан бери тўп тепиб келяпти. 4 мавсум давомида ҳимоячи 160 ўйин ўтказиб, 7та гол киритишга муваффақ бўлган.