Клуб уч футболчига чиқиш эшигини кўрсатди

“Боруссия” раҳбарияти мавсум якунланганидан кейин уч нафар футболчи билан хайрлашишга қарор қилди.

Манбаларнинг таъкилашича, дортмундликлар ёзда икки  ҳимоячи – Рафаэль Геррейру ва Феликс Пасслак, шунингдек, ҳужумчи Антони Модестга чиқиш эшикларини кўрсатади.

Мавсум охирида учала футболчининг шартномаси якунланади ва уларга янги битим таклиф қилинмайди.

Қизиғи шундаки, Геррейру ва Модест асосий таркиб ўйинчилари ҳисобланади. Португалиялик ҳимоячи 12 та учрашувда қатнашиб, битта гол уришга ҳам эришган. Франциялик ҳужумчи 13 та ўйинда ўз номига иккита гол ёздириб қўйди.