"Лидс"нинг испаниялик голкипери Кико Касилья саккиз ўйинга четлатилди. Бу ҳақида Sky Sports нашри хабар бермоқда.
Манбага кўра, испаниялик кипер "Чарльтон"га қарши бўлиб ўтган учрашувда рақиб ҳужумчиси Жонатан Лекони ҳақоратлаганлиги учун жазоланди.
Ушбу ҳолат ўтган йилнинг ноябрь ойида бўлиб ўтган эди. Футбол федерация вазият бўйича махсус комиссия тузиб, ишни лабдан ўқиш бўйича мутаҳассис ва испаниялик таржимонлар ёрдамида ўрганиб чиқди.
Якунда эса дарвозабоннинг айби тасдиқланди ва унга дисквалификациядан ташқари 60 минг фунтлик жарима солинди.
Изоҳлар (0)
Ҳозирча изоҳлар йўқ