Касильяс: "Моуриньо мени “қулоқ”ликда айблаганди”

Испания терма жамоаси ва "Реал Мадрид" клуби собиқ дарвозабони Икер Касильяс Жозе Моуриньо билан бўлган келишмовчиликни эслади.

"Мен у билан кийиниш хонасига бориб гаплашишим керак эди ва буни қилмаганимдан афсусдаман. Биз билан содир бўлаётган нохуш вазиятни кучайтирмоқчи эмасдим. У мени журналистлар билан дўстлашганликда айблаганди, аммо кийиниш хонасидан матбуотга бирор нарса чиқиб кетадиган даражада яқин эмасдим. 

Одамлар нафрат ҳақида гапиришади, бироқ вақт ўтиши билан ҳамма нарса ўтиб кетади. Моуриньо билан муносабатларимиз дўстлик ва нафрат орасида эди. Нима бўлган тақдирда ҳам у билан ўтган даврни яхши хотиралар сифатида эслайман. Бироқ "Реал Мадрид" ҳамма нарсадан устун туради", - деди Касильяс.

Маълумот учун, кипер "қаймоқранглилар" сафида профессионал футболга қадам қўйган эди.