Жаҳон чемпионати. Ўзбекистон терма жамоаси кейинги босқичга йўл олди!

Футзал бўйича Жаҳон чемпионати гуруҳ босқичининг 3-туридан ўрин олган Миср – Ўзбекистон учрашуви якунланди. Мазкур баҳсда терма жамоамиз 2:1 ҳисобида ғалаба қозониб, кейинги босқичга йўл олди.

Учрашувнинг иккинчи дақиқасида Нишонов гол уриб, ҳисобни очди. Иккинчи таймнинг дастлабки дақиқаларида Миср футболчиси орадаги фарқни йўққа чиқарди.

34-дақиқада Анасхон Раҳматов супер гол уриб, термамизни кейинги босқичга олиб чиқди.