Исроил Мадримов билан спарринг қилган боксчи энди ундан ўтиб кетди

Профессионал бокснинг супер ярим ўрта вазн тоифасида (69,8 кг) WBC вақтинчалик жаҳон чемпионлик камари учун жанг бўлиб ўтди. Америка Қўшма Штатлари Лас-Вегас шаҳрида ташкил этилган бокс оқшомида ушбу камар учун Себастиан Фундора ва Эриксон Лубин баҳс олиб борди. Лубин очколар бўйича олдинда бўлсада, 9-раундга келиб юзидаги жиддий жароҳатлар сабаб унинг бурчаги жангни рад этди ва шу тариқа Фундора камар билан бирга мажбурий даъвогар мақомига ҳам эга бўлди. Бугунги ғалабадан сўнг Фундоранинг статистикаси 19-0 (13КО) кўриниш олган бўлса, Лубинда бу кўрсаткич 24-2 (17КО)га ўзгарди.

Ушбу вазн тоифаси WBА йўналишида мажбурий даъвогар номи Исроил Мадримов (8-0, 6КО) ва Мишель Соро (35-3-1, 24КО) реванш баҳсида аниқланади.

Ҳозирда супер ярим ўрта вазн WBC, WBА, IBF чемпионлик камарлари Жермелл Чарлога (34-1-1, 18КО), WBО чемпионлик камари Брайан Кастаньога (17-0-2, 12КО) тегишли. Улар ўртасидаги мутлақ чемпионлик жанги 14 май кунига белгиланган.

Эслатиб ўтамиз, Себастиан Фундора ва Исроил Мадримов 2019 йилда ўзаро спаррингда ишлаган.