"Ишончим комил, Лео зўр футболчи эканини исботлайди!"

Айни пайтда ижара асосида "Спортинг"да ҳаракат қилаётган Пабло Сарабия жамоа юлдузи Лионель Мессининг ҳолати ҳақида фикр билдирди:

"Мен у билан кўп гаплашмаганман, аммо у бошиданоқ менга жуда яхши муносабатда бўлди. Спортчи ҳар қандай ҳолатга мослашиши учун вақт талаб этилади.

Ҳозир Месси мослашув жараёнида. Бироқ ишончим комил-ки, Лео зўр футболчи эканини исботлайди".

34 ёшли аргентиналик футболчи жорий мавсум аввалида Каталониядан Парижга кўчиб ўтганди. Бу вақт оралиғида у 16 учрашувда майдонга тушиб, 6 гол ва 5 ассист муаллифига айланди.