Илҳом Мўминжонов "Нефтчи" клуби бош мураббийига айланди
- 11-декабр 2020, 12:16
- Bekzod Isayev
- 0
- Футбол
"Навбаҳор" ва "Сурхон" клублари собиқ устози Илҳом Мўминжонов фаолиятини водийда давом эттиради.
SPORTS.uz сайтига маълум бўлишича, Мўминжонов "Нефтчи" бош мураббийига айланди. Ҳозирча, фарғоналиклар матбуот хизмати бу ҳақда маълумот бермади.
2019 йилнинг 1 апрелида ЎФА Этика қўмитаси томонидан Илҳом Мўминжонов 4 йил муддатга футболдаги ҳар қандай фаолиятдан четлаштирилган эди. 2020 йилнинг 3 январида “Сурхон” футбол клуби Этика қўмитасига Илҳом Мўминжонов ишини қайта кўриб чиқишни сўраб мурожаат қилган. Унда “Сурхон” футбол клуби кафил сифатида мураббийнинг дисквалификацияси бўйича қарорни қайта кўриб чиқиб, унинг мураббийлик фаолияти тикланишини сўраган. Натижада Илҳом Мўминжоновга нисбатан қўлланилган 4 (тўрт) йил муддатга футболдаги ҳар қандай фаолиятдан четлаштириш интизомий жазо чораси қисқартирилиб, Мўминжоновнинг дисквалификацияси 2020 йилнинг 31 декабрига қадар амал қилиши белгиланганди.
"Нефтчи"ни Суперлига ўтиш ўйинига айнан Илҳом Мўминжонов тайёрлайди. Ушбу беллашув 15 декабрь куни бўлиб ўтади. Илҳом Мўминжонов "Андижон" билан учрашувда мураббийлар учун ажратилган жойда ўтирмаслиги мумкин. Чунки унинг четлатилиш муддати тугамаган.
Про лиганинг охирги турида "Турон" билан учрашувдаги жанжаллар сабаб, "Нефтчи" мураббийи Абдусамад Дўрмонов лавозимидан озод этилганди.