Ҳайдалмагунча, ҳақиқий мураббий бўлмайсан!

Патрик Виейра “Ницца” бош мураббийлигидан истеъфога чиқарилганидан кейин устози Арсен Венгер билан қўнғироқлашганида тажрибали мутахассисдан қимматли маслаҳат олганини айтиб берди.

Телефонда Венгер билан суҳбатлашдим. У “Сени ишдан ҳайдашмагунича, ҳақиқий мураббий бўлмайсан”, деб айтди. Анча маслаҳат берди.

- Мураббийлик соҳасини танлаган одам, қачондир ишдан олишини одатий ҳол эканини англаб етиши керак. Мен ҳам узоқроқ ишламоқчи эдим, лекин бўлар иш бўлди. Бу аччиқ тажриба менга келажакда фойда беради, - деди Патрик Виейра.

Патрик Виейра футболчилик фаолиятида Франция, Англия ва Италия жамоалари шарафини ҳимоя қилган Франция терма жамоаси таркибида жаҳон ва Европа чемпиони бўлган.