Генри Сехудо: "Ислом Махачевнинг карьерасидаги қарорларига биргина инсон таъсир қила олади"

UFC жангчиси Генри Сехудо промоушен юлдузлари Ислом Махачев ва Хабиб Нурмагомедов ҳақида гапирди.

“Ҳабиб ҳозир отасининг ролини ўйнаяпти. Бу ҳақда Али Абдель-Азиз билан гаплашгандик, у: “Агар Абдулманап тирик бўлганда эди, Хабиб нафақага чиқмасди. Бу 100% аниқ, у отасининг айтганини қилган бўларди", дея таъкидлади.  

Бу гапларда жон бор. Ҳатто Махачев ҳам Хабибнинг кўрсатмаларига амал қилади. Шу сабабли, Исломнинг карьерасидаги қарорлари ўзига эмас, балки Хабиб Нурмагомедовга боғлиқ" - деди Сехудо You Tube каналида.

Эслатиб ўтамиз, Ислом Махачев охирги жангида Ренато Мойканони 1-раундда сабмишн орқали мағлуб этганди.