Гарначо: "Челси"да эканимдан фахрланаман"

"Челси" қанот ҳужумчиси Алехандро Гарначо "Манчестер Юнайтед"да ўтказган вақти ҳақида фикр билдирди.

"Ҳозир "Челси"да эканлигимдан жуда фахрланаман. Лекин "Манчестер Юнайтед" ҳақида ёмон гап айта олмайман. Ҳа, бир лаҳза менинг ҳаётимни ўзгартирди, лекин у давом этди. Шунинг учун олдинга интилишда давом этишимиз керак", - дея Гарначонинг сўзларини келтирди Фабрицио Романо.

Маълумот учун, Гарначо 2025 йил ёзида "қизил иблислар"ни тарк этиб,"аристократлар" сафига ўтганди. "Кўклар" сафида у барча мусобақаларда 37 та ўйинда иштирок этиб, 8+4 статистика қайд этди.