Флик “Барса” футболчиларини аёвсиз жазолай бошлади

Испаниянинг амалдаги чемпиони “Барселона”га устозлик қилаётган Ханс-Дитер Флик жамоада интизомни кучайтириш учун кескин чора-тадбирларни қўллашни қарор қилди.

Жамоа юлдузларидан Ферран Торрес маълум қилишича, энди машғулотлар ёки жамоа йиғилишларига кечикиш катта молиявий жазога сабаб бўлади.

Айниқса, ўйин куни жамоа таркибига кечикиш ҳолатида жарима 40 минг еврони қилиб белгиланди.

Аслида германиялик бош мураббий интизомга қатъий ёндашуви билан танилган. Каталония суперклубида муҳит эркинроқ бўлишига қарамай, у қаттиқ тартибни сақлашни маъқул кўряпти.

Ханс-Дитер Флик 2024 йилдан бери жамоани бошқариб, 99 ўйинда 74 ғалаба, 9 дуранг ва 16 мағлубият қайд этган. Жорий мавсум ҳам “Барселона” мамлакат чемпионлигига асосий даъвогар ҳисобланади.