ФИФА Эроннинг сўровини "имконсиз" деб ҳисоблади

ФИФА Эрон терма жамоасининг жаҳон чемпионатидаги ўйинларини бошқа мамлакатга кўчирмайди.

Аввалроқ Эрон футбол федерацияси президенти Меҳди Тож ташкилот ўз мамлакати терма жамоасининг ЖЧ-2026 ўйинларини АҚШдан Мексикага кўчириш бўйича музокаралар олиб бораётганини маълум қилганди.

Бироқ, The Times'нинг ёзишича, бу таклиф ФИФАда муҳокама қилинмаган - бундай қадам "имконсиз" ҳисобланади. Ўйин чипталари аллақачон сотилган ва уларнинг кўчирилиши бошқа иштирокчи жамоаларга ҳам таъсир қилади.

Эрон терма жамоаси ЖЧ-2026 йўлланмасини қўлга киритиб, Бельгия, Миср ва Янги Зеландия терма жамоалари билан “G” гуруҳидан жой олди. Жамоанинг уччала ўйини ҳам АҚШ ҳудудида бўлиб ўтиши керак.