Файзуллаев, Ҳусанов ва Абдураҳматов. Осиё кубогида қатнашган 3 нафар футболчимизнинг нархи "учди"

"Transfermarkt" портали Қатарда бўлиб ўтган Осиё кубогида яхши иштирок этган футболчиларнинг нархини янгилади. Ўзбекистон терма жамоасининг 3 нафар аъзоси ҳам бу борада ўсишга эришди. 

Москванинг ЦСКА клуби вингери Аббосбек Файзуллаевнинг нархи 1 миллион еврога юқорилаб, ҳозирги нархи 5 миллионга етди. "Ланс"  сафида ҳаракат қилаётган легионеримиз Абдуқодир Ҳусановга 500 минг евро қўшилди ва унинг нархи 2 миллион еврога етди.

"Насаф" ҳимоячиси Зафармурод Абдураҳматовга эса 150 минг қўшилди ва энди унинг нархи 500 минг евро.