Европада Винисиусни “Реал”дан олиб кетишга кучи етадиган суперклуб чиқди
- 6-апрел 2025, 18:27
- Zohir Toshxo’jayev
- 0
- Футбол
“Реал”нинг асосий ҳужумчиларидан бири Винисиус Жуниорнинг клубдаги келажаги ҳамон мавҳум бўлиб турибди.
“Қироллик клуби” бразилиялик юлдузга Саудия Арабистонидан бўлаётган ақлбовар қилмас таклифлар ортидан ўз ўйинчисига янги шартнома таклиф қилди. Бироқ томонлар музокарани муваффақиятли якунлай олмади.
Энди ПСЖ 24 ёшли тўпурарни олиб кетишга бел боғлади.
Todofichajes нашрининг ёзишича, ПСЖ айни пайтдаги етакчиси Усмон Дембеледан айрилиши мумкин. Франциялик ҳужумкор фуболчининг ёрқин ўйини Англия Премьер-лигаси грандлари эътиборини тортган.
ПСЖ Европа суперклублари орасида ўзи истаган ўйинчини олиш учун пулни аямаслиги билан ажралиб туради. Бунга мисол, Франция чемпионлари 2017 йили Неймарни олиш учун “Барселона”га 222 миллион евро ўтказиб берган. Бу трансфер рекорди ҳали ҳам янгилангани йўқ.