Энрике: "Биздаги барқарорлик — ПСЖнинг асосий устунлиги"

Ертага ПСЖ ва "Арсенал" жамоалари Чемпионлар лигаси ярим финал жавоб учрашувида тўқнаш келади. Париждаги "Парк де Пренс" стадионида бўладиган беллашув олдидан парижликлар мураббийи Луис Энрике жамоасининг устун жиҳатлари ҳақида гапирди. Биринчи ўйинда францияликлар 1:0 ҳисобида ғалаба қозонган эди.

— Ярим финал олдидан бу ҳақда гапиргандик. Қурилиш жараёнида биринчи йил — ишлаш керак бўлган жиҳатлар кўп бўладиган йил. Иккинчи йил эса ўсиш ва ўз имкониятларингга ишонч йили ҳисобланади. Келгуси йилда биз бундан ҳам яхшироқ ҳаракат қилишда давом этамиз.

Менимча, жамоамизда бирор чизиқ бошқасидан устун эмас. Бу — катта ютуқ. Биз ҳисоб-китоб қилиб ўйнайдиган жамоа эмасмиз. Биз ҳар ўйинда битта аниқ механизмга риоя қилишга ҳаракат қиламиз. Бу осон эмас, лекин фикр ва принциплар аниқ бўлиши шарт.

Эртанги ўйин оғир бўлади. Қоғозда осон кўринмаслиги мумкин, лекин биз илк кундан қилган ишимизни яна қайтаришга ҳаракат қиламиз. Биздаги сифатлар туфайли бу — устунлик деб ҳисоблайман, — дея таъриф бериб ўтди испаниялик мутахассис.