Эдегор: "Артета "Арсенал"га ўтишимдаги асосий сабабчилардан бири бўлган"

"Арсенал" ярим ҳимоячиси Мартин Эдегор жамоа бош мураббийи Микель Артета ҳақида илиқ фикр билдирди.

"Артета "Арсенал"га ўтишимдаги асосий сабабчилардан бири бўлган. Унинг иши шунчаки ақлбовар қилмас даражада, мен ундан жуда кўп нарса ўргандим. Жамоадаги талаблар эса ниҳоятда юқори", — деди норвегиялик футболчи "Soccer Bible" нашрига берган интервьюсида.

Эслатиб ўтамиз, Мартин Эдегор 2021 йили "Реал"дан "Арсенал" сафига 35 миллион евро эвазига келиб қўшилган. Унинг лондонликлар билан шартномаси 2028 йил 30 июнга қадар амал қилади.

Жорий мавсумда Эдегор "Арсенал" сафида барча мусобақаларда 27 та учрашувда майдонга тушиб, 1 та гол ва 7 та голли узатма муаллифи бўлди.