Диёр Имомхўжаев: Мана шу ҳафта умид берувчи икки воқелик гувоҳига айландик. Футболда фақат таниш-билишчилик, бойларнинг фарзандлари кўтарилади, дегувчилар учун бу энг яхши жавоб
- 2-октябр 2020, 17:37
- Bekzod Isayev
- 11
- Футбол
ПФЛ бош директори вазифасини бажарувчи Диёр Имомхўжаев телеграмдаги саҳифасида ОЧЛда "Пахтакор"нинг иштироки ва Элдор Шомуродовнинг Италия клубига кўчиб ўтишига эътибор қаратди.
- Мана шу ҳафта умид берувчи икки воқелик гувоҳига айландик. Биринчисида, Элдор Шомуродов кучли бешлик клуби бўлмиш "Женоа" сафига ўтди. Футболда фақат таниш-билишчилик, фақатгина бойларнинг фарзандлари кўтарилади, дегувчилар учун бу энг яхши жавоб. Элдорнинг йўли исталган ёш футболчи учун мотивация бўлиб хизмат қилиши мумкин.
Шомуродов "Ювентус"даги ўзбекистонлик иккинчи футболчи бўлиши учун нима қилиши керак? Турин клубида ўйнаган ҳамюртимиз жавоб берди
Россиялик мутахассис Шомуродов учун Италия қизиқарли танлов экани, Англияда унга қийинроқ бўлиши ҳақида гапирди
Иккинчисига "Пахтакор" сабабчи. Арвеладзе жамоаси Осиё етакчиларидан бири эканини кўрсатди. Клубга икки бор қизил карточка панд берганини айтмаса, "Пахтакор" ўйин бобида кўпчиликдан устун экани кўринди.
Буларнинг бари бизда потенциал бор эканини кўрсатади. Шунчаки ички муаммоларимизни ўнглашимиз керак. ЎзПФЛда мавжуд режа билан 1 йил босиб ишласак, келаси йил октябрга қадар кўп масалада ўсишга эришишимиз мумкин, - деди Диёр Имомхўжаев.