"Дэвис Кубоги". Ўзбекистон ва Туркия қарама-қаршилигида учинчи баҳс якунига етди

"Дэвис Кубоги" I гуруҳ плей-офф босқичи учрашувлари пойтахтимизда ўтказилмоқда. 

Бироз аввал Ўзбекистон - Туркия қарама-қаршилигида 3-баҳсда жуфтлик беллашувлари ўтказилди. Унда вакилларимиз Сергей Фомин ва Санжар Файзиев туркиялик теннис усталари Алтуғ Челикбилек ҳамда Эрель Янкига қарши кортга чиқди. 

1 соат 14 дақиқа давом этган баҳсда ҳамюртларимиз 6:2, 6:4 ҳисобларида ғалаба қозонди. Шу тариқа, Ўзбекистон - Туркия қарама-қаршилигида ҳисоб 2:1га ўзгарди.

Ҳозирча теннисчиларимиз олдинда бормоқда. Айни пайт 4-баҳс давом этмоқда.