"Челси" ёзда "бомба" трансферлар қилади
- 31-май 2022, 16:29
- 0
- Футбол
“Челси” клуби ёзги трансфер ойнаси пайтида ҳужум чизиғини кучайтириш учун номзодлар рўйхатини маълум қилинди.
Инсайдер Фабрицио Романонинг сўзларига кўра, Рахим Стерлинг, Кристофер Нкунку, Жонатан Дэвид, Дарвин Нуньес ва тез орада эркин агентга айланадиган Усмон Дембеле каби футболчилар "аристократлар"нинг “шорт-листи”дан ўрин олган.
Қайд этилишича, “Челси” устози Томас Тухель клубнинг олд чизиқ футболчилари ўйинидан норози бўлмоқда. Тимо Вернер, Кай Ҳаверц ва Ромелу Лукаку каби топ даражадаги форвардлар ўтган мавсум бор-йўғи 21 та гол урган. Бу эса "кўклар" мураббийининг эътирозларига сабаб бўлмоқда.
Эслатиб ўтамиз, кеча "Челси"дан трансферларни амалга ошириш борасидаги санкциялар олиб ташланди. Шу сабаб клуби келаси мавсум олдидан янги харидларни амалга ошириши мумкин.