"Челси" ҳужумчиси билан шартномани бекор қилмоқчи

"Челси" габонлик ҳужумчи Пьер-Эмерик Обамеянг билан шартномани футболчининг ҳафта охирида "Барселона" иштирокидаги учрашувга рухсатсиз ташрифидан сўнг бекор қилмоқчи. 

У "эл-класико"га ташриф буюриб, ўйиндан сўнг "Барса" кийиниш хонасига кирган ва футболчиларни ғалаба билан табриклаган. Шунингдек, габонлик "кўк-анорранглилар" сафига қайтишни орзу қилиши ҳақида гапирган. 

"Аристократлар" раҳбариятига Обамеянгнинг бу хатти-ҳаракати ёқмади. Ҳозирда клуб 33 ёшли ҳужумчи билан шартномани бекор қилиш устида жиддий иш олиб бормоқда.