Бугун "Насаф" ОФК Кубоги гуруҳ босқичидаги сўнгги ўйинини ўтказади

ОФК Кубогида юртимиз шарафини ҳимоя қилаётган Қаршининг "Насаф" клуби бугун гуруҳ босқичи доирасидаги учинчи ўйинда майдонга тушади. Ушбу учрашувда Рўзиқул Бердиев шогирдларига Туркманистоннинг "Олтин Аср" клуби рақиблик қилади. 

Гуруҳда 6 очко билан пешқадамлик қилаётган "аждарлар" 4 очко билан 2-ўринда бораётган туркман клуби билан тўқнашувда мағлубиятга учрамаса, биринчи ўринни олган ҳолда, плей-оффга йўлланма олади. 

Беллашув Тошкент вақти билан 17:00 да старт олиши режалаштирилган.