Биринчи совриндан кейин Гвардиола Ҳусанов номини ҳам алоҳида тилга олди

“Манчестер Сити” футболчилари “Уэмбли” стадионида “Арсенал” жамоасига қарши ўтказилган Англия лигаси кубоги финалида 2:0 ҳисобида зафар қучди.

Клуб матбуот хизмати учрашувдан кейин бош мураббий Хоосеп Гвардиоланинг фикр-мулоҳазаларини келтириб ўтди. Испаниялик мутахассис интервью давомида Абдуқодир Ҳусанов номини ҳам тилга олди.

Манчестерликлар “Уэмбли” стадионида “Арсенал” устидан ғалаба қозониб, ўз тарихида  тўққизинчи марта Лига кубогини ютиб олди.

Пеп Гвардиола айтишича, унга ғалаба ҳисси ҳеч қачон зерикарли бўлмайди, чунки “Манчестер Сити” унинг қўл остида бешинчи марта Англия Лига кубогини қўлга киритди. Ҳеч бир мураббий бу мусобақада ундан кўпроқ ғалаба қозонмаган. “Арсенал”ни 2:0 ҳисобида мағлуб этган “шаҳарликлар” 2025-2026 йилги мавсумдаги илк совринига эга бўлди.

Бу соврин Хосеп Гвардиола учун “Манчестер Сити”даги 19-ютуқ сифатида қайд этилди. Учрашувдан кейини испаниялик мураббий навбатдаги муваффақиятни катта завқ билан нишонлади.

“Бу ҳали ҳам менга завқ бағишлайди. Бугунги кун ҳақиқий синов бўлди ва ҳеч ким бизга ҳеч нарсани осонлик билан бермайди.

Бугун биз ўзимизни ва ўз даражамизни энг кучли жамоага қарши ўйинда кўрдик. Биз ўзимизнинг энг яхши томонимизни намойиш этдик. Бу ҳам исбот, ҳам чақириқ. Бу бизнинг моҳиятимиз.

Биз уларга қарши ўйнаганимиздан афсусланмаймиз — спорт бу спорт. Ҳозирча улар энг яхшиси. Иккинчи бўлимда мен “Арсенал”га қарши бундай натижага эришишимизга ишона олмадим, лекин биз буни уддаладик”, - деди Хосеп Гвардиола.

Гвардиола “Манчестер Сити” билан биринчи совринини қўлга киритганига саккиз йил бўлди,  у 2018 йилда ҳам “Арсенал”ни мағлуб этиб, Лига кубогини ютиб олган эди. Унинг ҳозирги кўплаб ўйинчилари учун бу биринчи соврин бўлди ва мураббийнинг фикрича, бу ғалаба уларга ишонч бағишлаб, янада кўпроқ муваффақиятларга олиб келиши мумкин.

“Биз илк бор Карабао кубогида “Арсенал”га қарши шу ерда ўйнаганимизда ҳам шундай бўлган эди. Жеймс Траффорд учун бу биринчи финал эди, Абдуқодир Ҳусанов жамоамизда атиги бир йилдан бери ўйнамоқда, Нико О'Рейли биринчи тўлиқ мавсумида мени ҳайратда қолдирди, Антуан Семеньо эса ўзининг биринчи финалини ўтказди.

Кўплаб ўйинчилар биринчи тажрибага эга бўлишди ва бу жуда яхши — айнан шу бизга керак. Бу бизга шуни кўрсатади: биз буни қила оламиз.

Биз ҳали ҳам ўтган мавсумга нисбатан анча яхшироқмиз, лекин бу ҳали ҳам биз кўзлаган даража эмас. Бунинг учун вақт керак. Умид қиламанки, келаси мавсумда ва бу мавсум охирига келиб биз бунга эришамиз”, - деди испаниялик мутахассис.  

Энди “Сити” ҳам халқаро танаффусга чиқади ва мавсумдаги илк соврин билан яна янги ғалабалар учун курашни давом эттиради.

Олдинда Англия кубоги чорак финалида “Ливерпуль”га қарши ўйин турибди, шунингдек Премьер-лигада чемпионлик учун кураш ҳали якунланмаган. Гарчи “Арсенал” улардан тўққиз очко олдинда бўлса ҳам назарий жиҳатдан кураш ҳали давом этади.

“Мен “Арсенал”дан тўққиз очко олдинда бўлишни хоҳлардим. Бу ўйин ҳеч нарсага таъсир қилмайди, чунки бу турли мусобақалар. Улар “Этихад”га келганида кўпроқ хавотирда бўлишади, бу эса бизга “Ливерпуль”га қарши ўйинда ёрдам беради.

Премьер-лига уларнинг қўлида, улар бизни қаттиқ жазолашяпти. Икки давр бўлди: “Сандерленд”, “Брайтон” ва “Челси” билан учта дуранг, кейин эса “Ноттингем Форест” ва “Вест Хэм” билан яна дуранглар.

Агар “канонирлар” очко йўқотса, биз ўз ўйинларимизни ютишга ҳаракат қиламиз, кейин эса нима бўлишини кўрамиз, - деди Хосеп Гвардиола.

 

“Арсенал”нинг ўткир ҳужумчиларини тўсиб қўйган Ҳусановнинг ўйинга экспертлар қандай баҳо берди?

“Реал” Ҳусановга бўлган муносабатни қандай ўзгартирди?

Ҳусанов Роналдуга қарши!

Жойи ўзгарган Ҳусановнинг ўйинини экспертлар қандай баҳолади?