"Реал" ҳужумчиси Гарет Бэйл чап оёғини суғурталаб қўйган, дея хабар бермоқда Daily Star.
Клуб подкастидаги чиқиши давомида уэльслик футболчи кутилмаган ҳолатларни инобатга олиб, чап оёғини суғурта қилганини айтиб ўтган. Таъкидланишича, ушбу суғурта фақатгина футболчи майдонга туша олмайдиган ҳолатда амал қилади.
Эфир чоғида Бэйл суғурта суммаси ҳақида тўлиқ маълумот айтмаган. Шундан сўнг матбуот вакиллари ўзларининг ҳисоб-китобини ўтказиб, бу рақам 100 миллион атрофида бўлишини тахмин қилган.
Жорий мавсумда Бэйл Испания чемпионатида 14 та ўйинда 2 та гол ва голли пас узатган.
Изоҳлар (0)
Ҳозирча изоҳлар йўқ