Бартомеу Мессини қандай алдади?
- 5-сентябр 2020, 13:15
- Zohir Toshxo’jayev
- 0
- Футбол
“Барселона”дан кетиш фикридан қайтган Лионель Месси клуб президенти Жозеп Бартомеу уни алдаганини фош қилди.
Мен клуб раҳбарияти ва шахсан Бартомеунинг ўзига кетмоқчи эканимни айтган эдим. Бу ҳақда унга йил давомида гапирдим. Мен четга чиқиш вақти келди, ўрнимни ёш истеъдодларга бўшатишим керак ва “Барса”даги вақтим тугади, деб ҳисоблагандим.
Сўнгги мавсум мен учун жуда қийин бўлди. Клубда, машғулотларда, кийим алмаштириш хонасида кўп нарсага сабр қилишга ва кўз юмишга тўғри келди. Мен янги марралар ва ўзгача ҳиссиётлар излаган эдим. Кетишим Чемпионлар лигасидаги муваффақиятсизликка боғлиқ эмас эди. Чунки бунга анча олдин қарор қилгандим.
Буни Бартомеу биларди. Унга айтгандим. У доим менга “Мавсум якунлансин, ўзинг бир қарорга келарсан, буни ўзинг ҳал қиласан”, дерди. Лекин охирига келиб у мени алдади, сўзининг устидан чиқмади, - деди Лионель Месси.