"Барселона"нинг вақтинчалик президенти: Ўтган ёзда Мессини сотган бўлардим

"Барселона" президенти вазифасини бажарувчи Карлес Тускетс жамоа сардори Лионель Месси ҳақида фикр билдирди.

"Иқтисодий томондан олиб қарасак, мен ўтган ёзда Мессини сотган бўлардим. Бу клубнинг иқтисодий ҳолати бўйича зарур қадам эди. Бир томондан Ла Лига иш ҳақини қисқартиришни талаб қилмоқда", - дея Тускетс сўзларини келтирмоқда "Marca" нашри.

Лионель Месси ёзда "кўк-анорранглилар" сафини тарк этиш истагини очиқчасига баён этган ва ҳаттоки, ўзини трансферга қўйишни сўраганди. Бироқ клуб уни қўйиб юбормаган.