"Барселона" Йович учун курашдан вақтинча чиқишга қарор қилди

Каталониянинг "Барселона" клуби "Айнтрахт" форварди Лука Йович учун курашдан вақтинча чиқди. Бу ҳақда Marca нашри хабар бермоқда.

Юқоридаги манбаага кўра “кўк-анор ранглилар” раҳбарияти “Реал” ва “Бавария” клублари иштирок этаётган ким ошди савдосида қатнашишмоқчи эмас. Бироқ, улар 21 ёшли сербиялик футболчининг трансфери масаласига кейинчалик қайтишлари ҳам мумкин. Лекин унгача бошқа вариантларни ҳам кўриб чиқишмоқчи.

Маълумот учун, Йович жорий мавсум Бундеслигада 26та ўйинда майдонга тушди ва 17та гол ҳамда 5та голли узатмага муаллифлик қилди.