"Барселона" сотиб ололмаган футболчини "Ювентус" илиб кетиши мумкин
- 25-январ, 18:48
- Улуғбек Хошимов
- 0
- Футбол
"Борнмут" ҳимоячиси Маркос Сенеси Италия А Сериясига кўчиб ўтиши мумкин.
Хабарларга кўра, "Борнмут" марказий ҳимоячиси Маркос Сенесининг хизматларига Туриннинг "Ювентус" клуби жиддий қизиқиш билдирмоқда. Манбада ёзилишича, "зебралар" ва футболчининг вакиллари ўртасидаги музокаралар ижобий тарзда давом этмоқда. "Кекса синёра" аргентиналик футболчига 4 йиллик шартнома ва 3 миллион евролик маош таклиф қилган. Футболчининг "гилослар" билан амалдаги шартномаси шу йилнинг ёзида якунига етади. У эркин агент сифатида ҳам жамоасини алмаштириши мумкин. Маркосга аввалроқ Каталониянинг "Барселона" клуби ҳам жиддий қизиқиш билдирган эди.
Маълумот учун, 28 ёшли ҳимоячи жорий мавсумда умумий 24та учрашувда майдонга тушиб, 4та голли узатмани ўз ҳисобига ёздириб қўйди.