"Барселона" Жоао Педрога қизиқмоқда, аммо футболчи кетишни истамаяпти

Жоао Педро "Барселона"нинг трансфер рўйхатига киритилди.

Журналист Саймон Филлипс маълумотига кўра, каталонияликлар спорт директори Деку 24 ёшли бразилияликнинг вакили билан эҳтимолий трансфер юзасидан алоқага чиққан.

Бироқ футболчининг ўзи "Челси"ни тарк этиш нияти йўқлигини аниқ билдирган.

Педро ўтган ёздан буён лондонликлар сафида ўйнамоқда. Шу вақт ичида у барча мусобақаларда 43 та ўйинда иштирок этиб, 18 та гол урди ва 9 та голли узатма амалга оширди.

Унинг "Челси" билан шартномаси 2033 йилгача амал қилади. Transfermarkt маълумотига кўра, футболчининг бозор қиймати 75 миллион евро атрофида баҳоланмоқда.