"Барселона" футболчиси Саудия клубларининг таклифини рад этгани маълум бўлди

"Барселона" марказий ҳимоячиси Андреас Кристенсен жамоани тарк этишни режалаштирмаяпти. Бу ҳақда журналист Рожер Торелло хабар берди.

Манбага кўра, 29 ёшли даниялик футболчи "Барселона"да қолишни истамоқда, шу боис у ёзда Саудия Арабистонидан келган иккита таклифни рад этган. Шу билан бирга, таъкидланишича, "кўк-анорранглилар" спорт директори Деку ҳозирча Кристенсенга янги шартнома таклиф қилмаган, бироқ яқин ҳафталарда буни амалга ошириши мумкин.

Кристенсен 2022 йилдан бери "Барселона" шарафини ҳимоя қилмоқда. Жорий мавсумда у Испания чемпионатининг иккита ўйинида майдонга тушди, аммо голли ҳаракатлари билан ажралиб турмади. Ҳимоячининг амалдаги шартномаси келаси ёзгача мўлжалланган.