“Барселона” ҳужумкор футболчиси Руни Бардгжи майдонга тез-тез чиқишни исташини таъкидлади. 20 ёшли футболчи Каталония клубидаги дебют мавсумида ўзига берилаётган ўйин вақти камлигидан норози бўлмоқда.
- Мен ўз ролимдан 100 фоиз қониқмаяпман. Ўйлайманки, мен кўпроқ ўйин вақтига лойиқман, айниқса зич тақвимни ҳисобга олсак.
Аммо бу футбол. Мен бу ерда мендан узоқроқ ўйнаётган жамоадошларимни ҳурмат қилишимга тўғри келади.
Сабр қиламан, чунки ўзимнинг нималарга қодир эканимни биламан. Мен ўзимга тўлиқ ишонаман. “Барса”да ўйнаш ҳар доим менинг орзум бўлган, - дейди швед футболчиси.
Руни Бардгжи Даниянинг “Копенгаген” клубидан “Барселона”га ўтганидан кейин янги жамоаси сафида 22 та ўйинда иштирок этиб, 2 та гол ва 4 та ассист муаллифи бўлди.
Изоҳлар (0)
Ҳозирча изоҳлар йўқ