“Барса”: Зўр ўйнаяпсан, лекин барибир кетасан!
- Бугун, 06:51
- Zohir Toshxo’jayev
- 0
- Футбол
“Барселона”нинг жорий мавсумдаги тўпурарларидан бири Ферран Торрес, катта эҳтимол билан, ёзда клубни тарк этишига тўғри келади.
El Nacional нашри маълумотига кўра, Каталония клуби форвардга жорий мавсум якунлангач, уни сотиб юборишини расман билдирган.
Футболчи “Барселона”нинг келажакдаги лойиҳаси режаларига кирмайди. Бу эса Торреснинг жорий йилдаги натижадорлиги пасайгани билан боғланмоқда.
Торрес даражасидаги ўйинчи ишсиз қолмаслиги аниқ. Ҳозирнинг ўзида унга “Ньюкасл”, “Астон Вилла” ва “Тоттенхэм” қизиқиш билдирмоқда.
“Барселона” Торрес трансфери орқали 35 миллион евро ишлаб олмоқчи.
Жорий мавсумда Ферран Торрес “Барселона” сафида 41 та ўйинда майдонга тушиб, 16 та гол урди ва 1 та голли узатма амалга оширди. Унинг клуб билан шартномаси 2027 йилнинг 30 июнигача амал қилади.