БАА футбол ассоциацияси президенти Ўзбекистонга қарши баҳс олдидан жамоа билан гаплашиб олди

БАА футбол ассоциацияси президенти Ҳамдан бин Муборак Ал Наҳаён якшанба куни Абу-Дабидаги Моҳамед бин Заед стадионида бўлиб ўтган амирликлар терма жамоаси машғулотларида иштирок этди.

Ташриф чоғида у футболчиларга катта ишонч билдириб, уларнинг машғулотлар ва олдинги ўйинлардаги фидойиликлари ҳамда ҳаракатларини юқори баҳолади.

Шайх Ҳамдан жамоани бўлажак Ўзбекистонга қарши саралаш ўйинида бор кучини беришга ва 2026 йилги футбол бўйича жаҳон чемпионатига йўлланмани қўлга киритиш учун барча имкониятлардан фойдаланишга чақирди. Унинг таъкидлашича, директорлар кенгаши, стратегик ҳамкорлар ва Амирлик футбол жамоатчилиги жамоани доимо қўллаб-қувватлайди.