Азар "Реал"нинг мағлубиятидан хурсанд бўлдими? (ФОТО)

"Реал" Мадрид вингери Эден Азар "Челси"га қарши бўлиб ўтган ЕЧЛ ярим финал жавоб баҳсидан сўнг, можароли вазият қаҳрамонига айланиб қолди.

Шу куни “Қироллик клуби” Лондонда 2:0 ҳисобида имкониятни бой берди ва мусобақадан чиқиб кетди. Жамоасининг муваффақиятсизлигига қарамай, Азар жуда яхши кайфиятда эди. Бельгиялик футболчи ўйиндан сўнг "аристократлар" футболчилари – Эдуар Менди ва Курт Зумани қучоқлади, улар бир-бирлари билан фаол мулоқот қилиб, кулишди.

Маълумот учун, 30 ёшли Азар 2012-2019 йилларда “Челси” шарафини ҳимоя қилган. “Реал” уни 2019 йилнинг ёзида 100 млн еврога сотиб олган.

Эден Азар жорий мавсум мадридликлар сафида 17 та ўйинда майдонга тушди ва ўз ҳисобига 3 та гол ёздириб қўйди.