“Арсенал” сотувга қўядиган беш футболчи маълум бўлди

Келаси ёзда «Арсенал» Премьер-лиганинг молиявий қоидаларига мослашиш учун асосий таркиб ёки яқин захирадан камида битта футболчини сотишига тўғри келади.

Бу ҳақда The Telegraph хабар берди.

Манбага кўра, сотилиши мумкин бўлган номзодлардан бири — жамоа ярим ҳимоячиси ва сардори Мартин Эдегор. Норвегиялик плеймейкернинг жамоа бош мураббийи Микель Артета билан муносабати бузилган.

Шунингдек, клуб академияси тарбияланувчилари Итан Нванери ва Майлз Льюис-Скелли ҳам жамоани тўлиқ тарк этиши эҳтимоли катта.

Бундан ташқари, катта эҳтимол билан қанот ҳужумчиси Габриэл Мартинелли ва ҳимоячи Бен Уайт ҳам бошқа жамоаларга сотиб юборилиши кутилмоқда.