Арман Царукян: "Авваллари ўзим учун жанг қилардим, энди эса оилам ва миллатим учун курашаман"

UFC жангчиси Арман Царукян енгил вазн тоифасида амалдаги чемпион Ислом Махачев билан бўлажак баҳс ҳақида гапирди.

“Ислом ўзини мени менсимагандек кўрсатишга ҳаракат қиляпти. Бироқ унинг жамоаси ва мураббийлари мен жуда жиддий хавф эканимни тушуниб, кучли тайёрланишмоқда. Ўзимга келсак, мен ғалабамга 100 % ишонаман. Бу ғалати туйғу, лекин мен ҳеч қандай ҳаяжонни ҳис қилмаяпман. Кўринишидан, бу мен учун узоқ кутилган жанг эди. Узоқ йиллардан буён Арманистондан чемпионлик учун курашадиган ҳеч ким чиқмаган. Шу боис елкамда турган асъулиятни тушунаман ва натижага эришиш учун бутун вақтимни, пулимни ва соғлиғимни сарфлайман. Тўғри, авваллари ўзим учун курашардим. Энди эса мен буни оилам ва миллатим учун қиламан” – деди Царукян "Red Corner ММА" нашрига берган интервьюсида.

Эслатиб ўтамиз, Махачев (26-1) ва Арман (22-3) ўртасидаги тўқнашув 18 январь куни "UFC 311" турнирида бўлиб ўтади.