Арбелоа, шу ишни эплай олмасанг, “Реал”дан кетасан!
- 6-апрел, 17:15
- Zohir Toshxo’jayev
- 0
- Футбол
Мадриднинг “Реал” жамоаси бош мураббийи Альваро Арбелоа Европа Чемпионлар лигаси бош совринини қўлга кирита олмаса, лавозимидан бўшатилади.
Бу ҳақда AS нашри хабар берди.
Испания Ла Лигасининг 30-турида “Мальорка”дан (1:2) учралган мағлубиятдан сўнг чемпионлик учун кураш жуда мураккаб кўриниш олди ва мураббийнинг келаси мавсумда жамоада қолиш имконияти жамоанинг еврокубокдаги натижаларига боғлиқ бўлиб қолди.
“Мальорка” билан ўйиндаги натижа Арбелоа учун 18 та учрашувдаги бешинчи мағлубият бўлди.
Раҳбарият ёш мураббийнинг ютуқларини ҳам эътироф этмоқда. Бу мутахассис жамоа ичида Винисиус Жуниор, Жуд Беллингем ва Федерико Вальверде каби етакчи ўйинчилар билан муҳитни барқарорлаштира олди, шунингдек академия тарбияланувчиларига имконият берди.
Бироқ мағлубият барча ижобий импульсни тўхтатиб қўйди.
Испания чемпионатининг 30-туридан сўнг мадриднинг “Реал” жамоаси 69 очко тўплаб, турнир жадвалида иккинчи ўринни эгаллаб турибди ва пешқадам “Барселона”дан етти очко ортда қолмоқда.