Англия кубоги. "Манчестер Сити" сафарда "Ньюкасл"ни таслим этди. Ҳусанов 90 дақиқа ўйнади

Англия кубогининг 1/8 финал бошқичида Хосеп Гвардиола бошқарувидаги "Манчестер Сити" сафарда "Ньюкасл" билан куч синашиб, 3:1 ҳисобида зафар қучди.

Учрашувда ҳисобни 18-дақиқада Харви Барнс очди. 39-дақиқада эса Савиньо мувозанатни тиклади.

Иккинчи бўлимда эса ўйин тақдирини Омар Мармуш ҳал қилди — у 47 ва 65-дақиқаларда гол уриб, "Манчестер Сити"га ғалаба келтирди.