Англия клуби сенсацион трансферга қўл урмоқда
- 2-декабр 2024, 10:00
- Zohir Toshxo’jayev
- 0
- Футбол
Англия Премьер-лигасида иштирок этаётган “Брайтон” кутилмаган трансферга қўл урмоқда. Бир неча манбаларнинг таъкидлашича, бу клуб бешинчи дивизиондан ўйинчи оладиган бўлди.
Ҳаваскорлардан таркиб топган “Гейтсхед” жамоаси Англия чемпионатининг бешинчи дивизионида иштирок этади. Бироқ бу жамоанинг 21 ёшли футболчиси Оуэн Осени Премьер-лиганинг бир неча клублари эътиборини қозонди.
“Брайтон” катта истеъдод соҳиби сифатида эътироф этилаётган ўйинчини арзон нархда трансфер қилишни мўлжаллаяпти.
Оуэн Осени кўп гол урадиган ва рақиб жарима майдончасида хавфли ҳужумларни ташкил қила олишга қодир ўйинчи сифатида намоён бўлди. Бу ўйинчи тезкор, техникаси зўр ва жамоани ўз ортидан эргаштира олиши билан ҳурмат ва эътибор қозонди.
“Брайтон” янги талантни олиш учун 200 минг фунт харажат қилишга тайёр. Бундан ташқари, “Гейтсхед” ўз футболчисининг келажакдаги кейинги трансферларидан ҳам 10 фоиздан улуш олиши белгиланяпти.