Аморим Антонининг муваффақияти нима билан боғлиқ эканини айтди

 

Рубен Аморим Антонининг Премьер-лига ва Ла Лигадаги ўйини ўртасидаги фарқни тушунтириб берди. 

"Манчестер Юнайтед" вингери қишда "Бетис"га ижара асосида ўтганди. Испаниядаги 7 учрашувда у гол+пас тизимида 5 очко (3+2) жамғарган. 

"Англиянинг исталган жамоасига қарши ўйнасанг, жисмоний тайёргарлик муҳим аҳамиятга эга. Агар сиз жисмонан кучли бўлмасангиз, бу сизга катта қийинчилик туғдиради. 

Антони ҳозир Испанияда анча яхши ўйнамоқда. Бу жуда кўп омилларга боғлиқ. Бироқ мен сизга кафолат бера оламан, бу фитнеснинг самарасидир", - деди "қизил иблислар" устози.