Алонсо “Реал”га учта зўр ярим ҳимоячи танлади
- 26-сентябр 2025, 05:53
- Zohir Toshxo’jayev
- 0
- Футбол
“Реал” келаси ёз ярим ҳимоя чизиғини янгилаш ва янги ижрочилар билан кучайтириш масаласини ҳал қилишни режалаштирмоқда. Хаби Алонсо бу ролга бир неча машҳур футболчиларни мўлжаллаб қўйган.
Испаниядаги нуфузли манбалардан fichajes.net сайтининг маълум қилишича, испаниялик мураббий 2026 йилнинг ёзида “Реал”га Алексис Макаллистер, Витинья ва Райан Гравенберхни таклиф қилмоқчи.
Рўйхатдагилар орасида аргентиналик Алексис Макаллистер асосий нишон ҳисобланади. 2022 йили жаҳон чемпиони бўлган ярим ҳимоячи “Ливерпуль” таркибида АПЛнинг энг зўр ўйинчиларидан бирига айланди.
Райан Гравенберх ҳам “Ливерпуль” шарафини ҳимоя қилиб келмоқда. 23 ёшли бақувват футболчи бир пайтнинг ўзида бир неча функцияларни мукаммал бажара оладиган универсал ўйинчи ҳисобланади.
Хаби Алонсо ПСЖнинг креатив ўйинчиси Витинья ёрдамида жамоани тарк этган Тони Кроос ва Лука Модричдан қолган бўлиқни тўлдиришни ўйлаб қўйган.