Алишер Ғаниев жаҳон чемпионати финалида, Абдулло Алиев бронза медали учун курашади

Загреб шаҳрида кечаётган спорт курашлари бўйича жаҳон чемпионатининг навбатдаги кунида Ўзбекистон терма жамоасининг 5 нафар аъзоси иштирок этади. 

Юнон-рум кураши бўйича саралаш босқичида барча рақибларини мағлубиятга учратган Алишер Ғаниев (-60 кг) олтин медал учун қозоғистонлик Аидос Султангали билан баҳс олиб борса, ярим финалда имкониятни бой берган Абдулло Алиев (-72 кг) бронза медали учун гиламга чиқади. Унинг бу босқичдаги рақиби кечки дастурда аниқ бўлади. Шунингдек, яна 3 нафар спортчимиз бугун саралаш беллашувларида қатнашади.

Саралаш босқичи:
-63 кг: Айтжан Халмаханов – Николай Вичев (Болгария) / Олександр Хрушин (Украина)
-67 кг: Шермуҳаммад Шарибжонов – Ман Сон (КХДР)
-87 кг: Муҳаммадқодир Расулов – Марсел Стеркенбург (Нидерландия)

Бу ҳақда МОҚ хабар бермоқда.