Ака-укаларнинг битта жамоада ўйнаши "Манчестер Юнайтед"га боғлиқ

"Манчестер Юнайтед" футболчиси Амад Диалло жорий қишки трансфер ойнасида бошқа жамоага кўчиб ўтиши мумкин, дея хабар бермоқда италиялик журналист-инсайдер Николо Скира.

Манбага кўра, "Сассуоло" 19 ёшли ивуарлик футболчини мавсум охиригача ижарага олмоқчи. А Серия клуби бу борада “қизил иблислар” билан алоқага чиқишган.

Эътиблиси, "Сассуоло"да Амаднинг акаси Ҳамед Траоре ҳам ўйнайди.

Жорий мавсумда Диалло "Манчестер Юнайтед"нинг битта ўйинида майдонга тушди холос.