Роналдуни "Реал"дан олиб кетган Жорже Мендеш мадридликларга бошқа бир мижозини таклиф қилмоқда

Португалиялик машҳур агент Жорже Мендеш ўз мижозларидан бирини "Реал"га таклиф қилмоқда.

Football Espana нашрининг хабар беришича Мендеш “қироллик клуби”га "Порту" ярим ҳимоячиси Алекс Теллес билан ҳамкорлик қилишни таклиф қилмоқда. Маълумотларга кўра “Реал” устози Хулен Лопетеги 25 ёшли футболчини сотиб олишга розилик билдирган.

Маълумот учун, Теллес ўтган мавсум “Порту” сафида жами 45та ўйинда майдонга тушган ва ўз ҳисобига 4та гол ҳамда 20та голли узатма ёздириб қўйишга эришган.

Эслатиб ўтамиз, Жорже Мендеш "Реал"нинг собиқ юлдузи Криштиану Роналдунинг агенти ҳисобланади.