Кейн: Сардорлик боғичини Рунига бераман

Лондоннинг "Тоттенхэм" клуби ва Англия терма жамоаси форварди Харри Кейн АҚШга қарши ўйинда терма жамоадаги хайрлашув учрашувини ўтказадиган ҳужумчи Уэйн Руни ҳақида гапириб ўтди.

“Руни ушбу баҳсда терма жамоани сардор сифатида бошлаб тушадими? У бунга муносиб. Уэйн мен терма жамоага келганимда сардор эди. Албатта, агар у ушба баҳсда иштирок этса, сардор бўлади.

Терма жамоада гол уриш борасида Рунини ортда қолдира оламанми? Мени олдинда узоқ йўл кутмоқда. Умид қиламанки, соғ бўлсам голлар уришда давом этаман. Нима бўлишини эса кейин кўрамиз”, - дейди Кейн.