Аморим: “Менга "Ливерпуль"дан олдинда бўлиш муҳим эмас, мен фақат ғалаба ҳақида ўйлайман”

“Манчестер Юнайтед” бош мураббийи Рубен Аморим “Ливерпуль” билан рақобат ва ўзининг чемпионатдаги мақсадлари ҳақида фикр билдирди.

“Менга "Ливерпуль"дан олдинда бўламизми йўқми — бу умуман муҳим эмас. Мен фақат ҳар бир ўйинда ғалаба қозонишни ва турнир жадвалининг энг юқори поғонасида якунлашни истайман. Менинг мақсадим  жамоа ўйинини шундай қуришки, биз Англия чемпиони бўлайлик,” — деди Аморим "Stan Sport Football" нашрига берган интервьюсида.

Маълумот учун, АПЛда 9 та турдан сўнг "қизил иблислар" 16 очко тўплаб, 6-ўринда бормоқда.  Бугун 10-тур доирасида португалиялик мутахассиснинг шогирдлари “Ноттингем Форест” билан баҳс олиб боради.