"Ювентус" ҳимоячиси жамоа кўп гол ўтказиб юбораётганидан хавотирда

"Ювентус"нинг марказий ҳимоячиси Глейсон Бремер Чемпионлар лигаси доирасида"Боруссия Дортмунд"га қарши ўтказилган ўйиндан (4:4) сўнг ўз фикрлар билан ўртоқлашди.

- Биз бу руҳиятни сақлаб қолишимиз керак, лекин бу қадар кўп гол ўтказиб юбормаслигимиз лозим. Икки ўйинда еттита гол - бу мутлақо ачинарли. Иккинчи бўлимда бизда мувозанат йўқолди. Чарчоқ таъсир қилган бўлиши мумкин, аммо рақибларга бундай голларни уришларига йўл қўймаслигимиз керак эди. Бахтимизга, охирида ҳисобни тенглаштиришга муваффақ бўлдик, - деди Бремер "Sky Sport" нашрига берган интервьюсида.

Эслатиб ўтамиз, шанба куни "Ювентус" А Серияда "Интер"ни мағлуб этган эди (4:3).